O vindeiro sábado China estreará un novo corpo policial, que destaca por ser virtual, de xeito que 2 policías con aparencia manhua patrullarán a Internet para combater a pornografías e outras actividades ilícitas.
Os policías vixiarán os principais portais de novas, as páxinas web e os foros de Pequín, “buscando páxinas que inciten á secesión, promovan as supersticións, as apostas ou as fraudes” segundo os oficiais de policía da capital chinesa.
A presenza dos policías virtuais advertirase mediante anuncios nas webs, e servirán de canle para formular denuncias ante a Policía, que se atenderán rapidamente, aínda que a Policía só actuará ante infraccións electrónicas que se consideren realmente delito no mundo real.
A policía pequinesa xa destacou pola súa intensa actividade pechando 224 páxinas web pornográficas e borrando unhas 130.000 informacións maliciosas da Rede, pois o goberno chinés quere manter limpa a Rede de contidos que poidan resultar perigosos para os cidadáns (dentro dos criterios particulares que teñen no país).
Pequín contará con 2 policías virtuais a partires do 1 de setembro
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
