París estrea unha rede Wi-Fi de balde en lugares públicos

Esta semana a cidade de París estreou 225 puntos de acceso á Internet de balde mediante Wi-Fi, que están situados en xardíns, parques, bibliotecas, museos ou casas asociadas, o que facilitará o acceso á Rede mediante portátiles e outros dispositivos que poden tirar proveito da conectividade sen fíos.
O servizo xa se probou durante o verán, cando se detectaron certas limitacións de cobertura, e incluso pretende agora incrementar o número de hospots ata os 400 a finais de mes, dos que 250 estarán en espazos verdes que están sinalizados axeitadamente para que

os transeúntes saiban que eses agradables lugares permitirán conectarse á Internet, o que permite combinar o lecer co traballo ou, simplemente, para permitir que os turistas conecten co resto do mundo.
Este proxecto se inspirou non da cidade de San Francisco, e precisou dun financiamento de 2 millóns de euros, custando o seu mantemento anual uns 500.000 euros. O servizo está supervisado por Alcatel-Lucent, e agardan que teña moito éxito nun momento no que o Wi-Fi xa non se limita só ós portátiles, senón que tamén está presente en teléfonos intelixentes e reprodutores multimedia avanzados (coma o iPod Touch ou o Archos 605 Wi-Fi).