Jammie Thomas apelará a sanción de 222.000 dólares por compartir 24 cancións a través da Internet

Jammie Thomas, a muller norteamericana condenada a pagar 222.000 dólares por violación dos dereitos de reprodución de 24 temas musicais ó compartilos a través da Internet, anunciou na canle de novas CNN e no seu espazo en MySpace que apelará a decisión xudicial imposta por un tribunal de Minnesota.
A apelación se baseará no feito de que durante o xuízo a RIAA argumentou as súas acusacións nunha teoría que se sostén no feito de pór a disposición as cancións (por telas compartidas na aplicación KaZaA) pero non no feito de que se chegasen a compartir nalgún momento, polo que determinar que a condenada teña que pagar 9.250 dólares por tema parece esaxerado.
Thomas tamén creou unha páxina web (FreeJammie.com) dende a que convida ós internautas a efectuar achegas que lle permitan facer fronte ós custos legais do proceso contra a RIAA. Non hai que esquecer que, aparte dos 222.000 dólares de sanción tamén habería que engadir as custas xudiciais (que poderían estar preto dos 100.000 dólares).
Os curiosos poden comprobar a listaxe de temas que Jammmie Thomas supostamente compartía a través da Internet:
– Guns N Roses “Welcome to the Jungle”; “November Rain”
– Vanessa Williams “Save the Best for Last”
– Janet Jackson “Let”s Wait Awhile”
– Gloria Estefan “Here We Are”; “Coming Out of the Heart”; “Rhythm is Gonna Get You”
– Goo Goo Dolls “Iris”
– Journey “Faithfully”; “Don”t Stop Believing”
– Sara McLachlan “Possession”; “Building a Mystery”
– Aerosmith “Cryin””
– Linkin Park “One Step Closer
– Def Leppard “Pour Some Sugar on Me”
– Reba McEntire “One Honest Heart”
– Bryan Adams “Somebody”
– No Doubt “Bathwater”; “Hella Good”; “Different People”
– Sheryl Crow “Run Baby Run”
– Richard Marx “Now and Forever”
– Destiny”s Child “Bills, Bills, Bills”
– Green Day “Basket Case”