Multan a un monegasco por ofender na súa web a un ministro e un bispo

Marc Giacone, autor da web satírica Monaco Politic Circus, onde se publicaba unha imaxe do Príncipe Alberto II cun nariz vermello e comentarios contra un ministro e o bispo de Mónaco deberá pagar unha multa de 2.000 euros por ofender a estes últimos, aínda que por fortuna se salvou de ter que ir á cadea por un delito de ofensa ó Xefe do Estado (que estaría castigado con penas de ata 6 meses de prisión).
Giacone retirara os contidos ofensivos e desculpárase polos feitos, e agora amósase tranquilo de «ver como a Xustiza en Mónaco funciona normalmente, como en calquera Estado de Dereito» xa que se librou dos principais cargos na súa contra, e que á prensa internacional lle fixeron lembrar a polémica da publicación española El Jueves.