Mozilla conseguiu uns ingresos de 66,8 millóns de dólares en 2006

A Fundación Mozilla e a Corporación Mozilla conseguiron conxuntamente uns ingresos de 66.840.850 dólares en 2006, o que supón un crecemento do 26% con respecto a 2005, servindo de exemplo de que o código aberto poder servir coma modelo de negocio.
Os bos resultados de Mozilla pódense xustificar en boa medida polo bo funcionamento do navegador web Firefox, que actualmente está a ser utilizado por uns 120 millóns de persoas, e tamén o cliente de correo electrónico (Thunderbird) conta con millóns de usuarios e un prestixio que o converte en todo un referente.
Segundo conta Mitchell Baker, director de Mozilla, no seu blog, a meirande parte do ingresos proveñen da funcionalidade de busca integrada en Firefox, aínda que a tenda de Mozilla tamén contribúe na achega económica.