Secuestran a web emancipacionjoven.es

En xullo de 2006 presentouse o Programa de Emancipación Joven do Instituto da Xuventude (INJUVE) que dende unha Oficina Virtual baixo o dominio emancipacionjoven.es permitía acceder a información actualizada sobre emprego e vivenda, con ferramentas dinámicas que permitían ós mozos asesorarse, pero durante esta semana tal servizo web está inaccesible por mor do secuestro da páxina por parte do hacker Atilano, que impide que 8 millóns de novos poidan acceder a bolsas de aluguer de vivenda, asesoramento laboral e axudas para a súa emancipación.
Esta curiosa campaña promocional do INJUVE se completa pedíndolle ós mozos a que protesten contra Atilano e lle pidan a devolución da web ó seu enderezo de correo electrónico.
Agárdase que con esta publicidade que se está a distribuír a través de distintas webs de público mozo (como publicacións sobre videoxogos) se incremente o nivel de coñecemento deste tipo de servizos para a xuventude.

Un dos vídeos nos que o hacker Atilano anuncia o secuestro da Oficinal Virtual do INJUVE