Google Docs permite incrustar presentacións en páxinas web

O servizo Google Docs comeza o ano con novas funcionalidades, como é a posibilidade de crear subcatafoles para a organización dos nosos ficheiros, o que facilita o seu almacenamento e xestión, aínda que a novidade que máis se vai facer notar na web será a opción de publicar as nosas presentacións multimedia incrustadas en páxinas web coma se fosen unha presentación de SlideShare ou un vídeo de YouTube, polo que as clásicas presentacións de PowerPoint se abren cada vez máis á Internet.

Exemplo de presentación incustada dende Google Docs

Pero non quedan aí as novidades do servizo de documentos de Google, senón que tamén posibilitan a importación de presentacións completas ou diapositivas illadas, incluír nas presentacións fotografías da web, mover e duplicar diapositivas de xeito doado, cambiar os fondos dunha ou varias diapositivas con imaxes do noso equipo ou cambiar o nome dos documentos dende a páxina principal de Google Docs co botón dereito do rato (sen ter que abrir o documento para facer tal).