A serie de máis éxito na televisión noruega ofrécese de balde a través de BitTorrent

A serie de televisión Nordkalotten 365, emitida pola canle NRK, que acadou audiencias de preto do 50% en Noruega, sorprende coa súa publicación na Internet a través da rede BitTorrent, de xeito que é doada de descargar dende aplicacións P2P ou do sinxelo Miro Player.
Os ficheiros con cada episodio están comprimidos a 3 Mbps en formato MPEG-4 H.264 a unha resolución de 1.024 x 576 a 25 fotogramas por segundo, o que dá unha calidade bastante elevada (superior a DVD). Ocupan uns 600 Mbytes, e se poden descargar en poucos minutos dende unha conexión de banda larga, no que supón unha iniciativa sen precedentes, posto que é a primeira vez que unha serie de éxito se distribúe de balde a través de BitTorrent, sen contar con ningún tipo de protección DRM nin limitar a súa calidade, o que foi moi ben recibido polo público, que agradece este xeito de achegar a serie protagonizada polo sendeirista Lars Monsen na súa viaxe en solitario polo norte de Escandinavia durante un ano.