A industria do porno apostará polos contidos móbiles en 2008

Aínda que en Europa os contidos para adultos no móbil son algo habitual (movendo uns 775 millóns de dólares en 2007), en EE.UU. as operadoras os vetan habitualmente para evitar ofender pais e grupos políticos e relixiosos ante a posibilidade de que os cativos poidan acceder a material non apropiado, pero o panorama parece que está a cambiar, xa que os novos terminais están a achegar a información da Internet, de xeito que as operadoras perden o control dos mesmos.
Todo apunta a que o iPhone é o dispositivo que marca o punto de inflexión, e ó conectarse á Rede e presentar unha pantalla dun tamaño suficiente como para dar boa calidade para ver imaxes e vídeo, está a abrir unha porta á pornografía, de xeito que parece inevitable que o negocio do porno medre de xeito impresionante nos móbiles durante 2008.
As empresas do sector están a acusar un descenso nos seus ingresos en DVD, e os móbiles poderían ser moi importantes para o seu modelo de negocio como tamén aconteceu coa música.
Durante o Congreso de Contido Móbil para Adultos celebrado esta semana nos EE.UU., Jay Grdina, presidente de ClubJenna Inc., asegurou que o sector debe evolucionar ou morrer, polo que deben prepararse para o cambio, e converter a pornografía no móbil nun negocio viable.