Vetan en Google á web Rojadirecta.com

Audiovisual Sport conseguiu que Google eliminase dos resultados das súas buscas boa parte das ligazóns á web galega Rojadirecta.com apoiándose na DMCA, por publicar información que permite a visualización de eventos deportivos de balde a través da Internet.
Rojadirecta xa foi denunciada por Audiovisual Sport o pasado mes de agosto, pero a lexislación norteamericana permite o bloqueo dos seus contidos antes do fallo xudicial en España, aínda que a aplicación da DMCA (polémica lei que protexe os dereitos de reprodución nos EE.UU.) parece excesiva ó ter en conta que a web galega non infrinxe o copyright directamente, limitándose a informar da dispoñibilidade de encontros deportivos a través de distintas plataformas en liña.