A revista Tempos Novos estrea edición dixital

En abril de 1997 chegou aos quioscos e librarías de Galicia o número 0 da revista Tempos Novos, que durante os últimos anos pretendeu facer un seguimento da actualidade do país con independencia, incitando ao debate e á reflexión dende as súas páxinas e, finalmente, da un paso evolutivo estreando unha edición dixital que, en vez de chegar mensualmente aos seus seguidores, procurará actualizarse semanalmente.
Tempos Dixital reparte os seus contidos nas seccións e Política, Economía, Entreculturas, Ciencia e Tecnoloxía, Sociedade, Encontros e Comunicación, ás que se suma unha hemeroteca e a publicación en formato PDF dos suplementos da revista impresa (que polo momento permite descargar o número 5 de Protexta).
A nova páxina funciona con WordPress (ferramenta de código aberto para a publicación de blogs) e non se limita a ofrecer texto e imaxes, senón que tamén inclúe gravacións sonoras e integra vídeos de YouTube.