Amazon merca Lexcycle para potenciar a súa división de libros electrónicos

Nun momento no que Adobe e Lexcycle (empresa detrás do popular software lector de libros electrónicos Stanza) están a traballar na definición dun estándar para competir co Kindle na publicación de libros electrónicos, sorprenden co anuncio de que Amazon adquiriu Lexcycle, o que podería ser un intento da compañía de Jeff Bezos para evitar un futuro competidor, que na actualidade é incluso máis popular que o Kindle, pois Stanza é o lector de libros electrónicos portátil máis utilizado grazas á súa versión para o iPhone.
De todos os xeitos, dende Lexcycle aseguran que non cambiarán a aplicación Stanza tras esta operación, entendendo a súa compra como unha operación que levará a xuntar forzas con Amazon para continuar a innovar no seu sector.
Dende o punto de vista de Amazon esta operación parecía obvia, pois son conscientes que o libro electrónico aínda está nunha etapa emerxente, polo que resulta imposible saber cómo será este mercado no futuro, de aí que resulta razoable investir en distintas liñas de atallalo.