Melide acolleu unha multiconferencia co gallo do Día das Letras

A tecnoloxía e a cultura fixeron unha boa mestura esta mañá en Melide, onde se iniciou a programación cultural co gallo do Día das Letras Galegas cunha multiconferencia no telecentro local entre escolares de distintos puntos de Galicia, asistindo dende a vila coruñesa os escolares de 6º de primaria do CEIP nº 1.
Na multiconferencia fíxose a lectura compartida de diversos autores homenaxeados no Día das Letras, e tras a mesma tiveron lugar distintas conferencias para estudantes impartidas na bibliioteca municipal por autores galegos, dando comezo a un ciclo que durará varios días.