Esta semana comeza o xuízo contra Pablo Soto

Esta semana comeza en Madrid o xuízo contra Pablo Soto, responsable de MP2P Technologies e creador de aplicacións coa Blubster, Piolet e ManolitoP2P, que terá que enfrontarse a unha demanda por valor de 13 millóns de euros presentada polas principais empresas da industria discográfica e Promusicae, que consideran que a empresa de Soto representa unha competencia desleal, o que será unha causa xudicial a ter en conta, por non existir precedentes en España, xa que neste caso a industria musical ataca a unha plataforma P2P en vez de aos seus usuarios, o que algúns entenden coma un caso Napster á española (aínda que a tecnoloxía P2P actual non ten moito que ver coa de Napster).
O xuízo terá lugar o martes e o xoves, e a súa traxectoria promete ser longa, pois o avogado da defensa presupón que o xuízo chegará ata o Tribunal Supremo.