Mayor Oreja presenta a web da súa candidatura ás eleccións europeas

De cara aos comicios europeos, Jaime Mayor Oreja estrea unha páxina web baixo o dominio jaimemayororeja.eu, que enlaza cunha guía web baixo o dominio jaimemayor.com, así como con distintas webs sociais coma YouTube, Facebook e Twitter, das que tamén tirarán proveito para facer campaña durante os vindeiros días.
Mayor Oreja asegurou que espera que «este novo instrumento sirva para achegar o noso proxecto de Europa a máis xente e que especialmente os mozos poidan utilizala coma vía de acceso a novas oportunidades, porque a través das ligazóns da súa guía web a máis dun milleiro de páxinas das diferentes institucións europeas pódense atopar oportunidades de emprego, bolsas ou axudas que se ofrecen en Europa».
A nova web do candidato do Partido Popular ao Parlamento Europeo non só repasa a traxectoria política de Mayor Oreja, senón que tamén serve para explicar os valores que promove e a través da súa guía web intenta paliar o déficit de comunicación do que fan os eurodeputados en Bruxelas e Estrasburgo.