Edicións Xerais prepara a súa andaina dixital

Durante a pasada entrega dos Premios Xerais, o director da editorial galega, Manuel Bragado, adiantou o que é a estratexia da súa compañía para o libro dixital, que pasará por priorizar os contidos educativos dixitais, destinados aos subscritores da editorial. Construirá «un banco de recursos dixitais por materias» e tamén comezará a elaborar contidos para os lectores de libros electrónicos , que por unha banda servirá para recuperar libros descatalogados e, por outra banda, apostará pola impresión baixo demanda para recuperar obras desaparecidas.
A intervención de Bragado nos Premios Xerais deu bastante que falar, e nos vindeiros días o propio director da empresa dará a coñecer a súa estratexia a este respecto.
Bragado busca rachar coas tendenzas dos últimos anos, e adaptarse aos novos tempos. Polo momento están a traballar co formato de libro electrónico ePub. Dado que o 35% da facturación de Xerais corresponde a libros de ensino, parece lóxico que a editora avance para adaptarse ás necesidades actuais.
Nos vindeiros días na Radio Galega poderemos escoitar do propio Manuel Bragado os detalles desta aposta de futuro.