Un estudo sostén que os usuarios de P2P consumen máis cine que o resto

Que as descargas de material audiovisual son as culpables da perda de ingresos do cine e a música podería ser un mito se atendemos a un estudo elaborado por Vuze, que comparou aos seus usuarios cos internautas medios, reflectindo que os usuarios de aplicacións P2P acoden máis ao cine, alugan máis películas e mercan máis DVD que o resto de persoas.
Isto podería indicar que os usuarios de P2P utilizan as descargas para comprobar a calidade das películas, e de considerar que pagan a pena, a ven no cine e chegan a mercala en DVD, polo que tenden a ser máis afeccionados ao cine que o resto de usuarios da Internet.