Chega (e vaise) a primeira aplicación oficial para o iPhone con espidos

Hoxe incorporouse á tenda de aplicacións para o iPod Touch e o iPhone un programa en descarga chamado Hottest Girls, á venda por 1,59 euros, e que presenta en pantalla unha inmensa cantidade de fotografías (supostamente máis de 2.200) de mozas en bikini e roupa interior (aínda que eventualmente tamén aparece algunha en topless) o que é posible grazas a que agora existe unha categoría de aplicacións para maiores de 17 anos, evitando así ferir susceptibilidades, aínda que algúns medios norteamericanos están a considerar o material accesible dende a aplicación coma pornográfico.
Pese a que xa existen varias aplicacións semellantes para o iPhone, esta sería a primeira oficial en incluír imaxes de espidos (segundo os seus autores), pero esta mesma tarde o programa deixou de estar dispoñible na App Store, mentres que o resto de aplicacións cualificadas para maiores de 17 anos seguen a poder descargarse sen problemas, o que daba a entender que non estaba a ser censurada, e resulta que está esgotada para non morrer de éxito, xa que os servidores de imaxes dos creadores da aplicación non son capaces de atender á demanda dos usuarios que mercaron Hottest Girls ata o momento, e preferiron cesar temporalmente a venda do programa para evitar problemas.
A explicación que publican na súa web é a seguinte:
The Hottest Girls app is temporarily sold out. The server usage is extremely high because of the popularity of this app. Thus, by not distributing the app, we can prevent our servers from crashing. Those who already have the app will still be able to use our app. To answer the question on everyone”s mind: Yes, the topless images will still be there when it is sold again. -ATG dev team