A xeolocalización nos mapas de Google salta ao escritorio

Os mapas de Google veñen de presentar na súa versión web, sobre a barra de zoom, un botón que ao premer sobre o mesmo dende navegadores coma o Google Chrome 2.0 ou o Firefox 3.5, actívase a función de My Location, o que permite facer uso da función de xeolocalización activada nos navegadores mencionados, de xeito que se contamos co GPS no equipo, marcarse cun punto azul a nosa posición no mapa, pero se carecemos dun receptor deste tipo, o sistema estima a nosa posición valéndose da antena Wi-Fi ou antena de telefonía dende a que accedemos á Rede ou incluso do noso enderezo IP (aínda que neste último caso o mapa limítase a moverse á nosa localidade, sen precisar a nosa posición no mapa).
Esta función dos mapas irase incorporando paulatinamente a outros navegadores, pois nas últimas funcións están a incorporar soporte do estándar W3C Geolocation API, o que permitirá ter aos internautas localizados, aínda que o sistema pide permiso antes de acceder a este tipo de información, para evitar invadir a intimidade da xente.
O uso nos mapas é só unha das posibilidades que presenta esta tecnoloxía, que agárdase que no futuro poida empregarse para que os contidos aos que accedamos na web (como as buscas locais) estean especialmente orientados a nós, así como a publicidade presentada, o que parece bastante positivo mentres non se empregue dun xeito abusivo.