Tuenti incorpora chat

Aínda que a comunicación en tempo real non é unha prioridade nas plataformas de redes sociais, Facebook conta cun sistema de chat integrado, e agora Tuenti segue os seus pasos, e tras probala cun número reducido de usuarios, xa está dispoñible de xeito global a funcionalidade de conversas de texto en tempo real desenvolvida mediante tecnoloxía AJAX.
A caixa de chat aparece na columna da dereita do servizo, e funciona dun xeito moi semellante á aplicación web de conversa coa que conta Facebook, e queda por ver cal é a resposta dos usuarios, aínda que é de agardar que contribúa a incrementar a súa fidelidade e as xa de por si longas sesións de uso desta plataforma.