Online Marketing EXPO elixiu coma provedor de envío de e-mail marketing, MAILCast, ao servizo desenvolvido pola compañía viguesa Krasis, que vén sendo utilizado por un número moi importante de empresas do ámbito da comunicación e a publicidade dende 2002.
Online Marketing EXPO cambia de provedor de e-mail marketing e agora pecha un acordo por un ano que pretende levar aos subscritores de OME un número superior ao millón de correos electrónicos durante un ano.
O acordo inclúe tamén distintas accións publicitarias conxuntas e o deseño de diferentes equipos para os sucesivos eventos de OME, como o que se presenta hoxe mesmo en Barcelona, ou o prestixioso encontro de Madrid, a celebrar durante a última semana de febreiro de 2010. As citas en Portugal e Brasil, veranse tamén cubertas por este acordo empresarial así como a serie de conferencias vinculadas á organización Search Marketing Expo SMX.
Como punto de arranque e durante a xornada de hoxe (na que abre as portas OMExpo BARCELONA), plásmase o convenio entre OME e Krasis lanzando a campaña publicitaria «Sempre quixen ser un e-mail». Nela incídese nas vantaxes da correspondencia electrónica fronte á convencional como modo de comunicación no campo do marketing e a comunicación publicitaria.
OME elixe como sistema de comunicación o servizo de e-mail marketing da galega Krasis
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
