Jason Calacanis difunde moitos detalles do que podería ser o tablet de Apple

A poucas horas da presentación de Apple programada para esta tarde, o co-fundador de Weblogs Inc, Jason Calacanis, publicou a través de Twitter distintas informacións sobre o futuro tablet de Apple, do que asegura ter sido usuario de proba e que considera que a expectación sobre o produto está xustificada por tratarse do «mellor trebello feito nunca».
Entre as características que confirma Calacanis estaría unha pantalla OLED, sintonizador de televisión de alta definición con gravación integrado, dúas cámaras, panel solar para recargar o trebello, thumbpads laterais para realizar xestos de rato, compatibilidade co teclado sen fíos de Apple, identificación mediante pegadas dixitais para ata 5 persoas, conectividade 3G e Wi-Fi, saída de vídeo, unha versión do sistema operativo do iPhone con capacidades multi-proceso, moi axeitado para a lectura da prensa, unha autonomía moi boa en modo de lectura de e-books pero de só 2-3 horas se facemos uso do Wi-Fi ou xogos, e cun prezo que partiría dos 599 dólares (aínda que coa posibilidade de mercar modelos con máis pantalla e memoria por 699 e 799 dólares).
Estas informacións non son moi cribles para moitos expertos, pero o que si está claro é que Apple vai presentar un tablet, pois incluso Terry McGraw, director xeral de McGraw-Hill, confirmou tal información a pasada noite na CNBC: