Tuenti publica o mapa da amizade en España

Hai un par de meses un traballador de Facebook debuxou un mapamundi coas relacións establecidas entre os usuarios da súa compañía, e agora son os mozos de Tuenti os que dan a coñecer o mapa da amizade en España, desenvolvido por Barcelona Media a partir de datos anonimizados de Tuenti mediante un proceso detallado no blog para desenvolvedores da plataforma de redes sociais máis popular entre a mocidade española.
Con esta ilustración podemos ver como se establecen conexións entre as grandes cidades españolas con outros núcleos de poboación, e a densidade destes fíos parece coincidir con bastante precisión coa poboación real da nosa xeografía, chegando a reflectir as fronteiras españolas, á vez que se ilustra que as conexións sociais non coinciden coas infraestruturas físicas (o que podemos observar especialmente ao mirar as illas ou Ceuta e Melilla).