Warner comeza a vender películas como aplicacións para iOS

Para explotar as posibilidades dos dispositivos con iOS coma plataforma de consumo audiovisual enriquecido, a Warner vén de publicar na App Store norteamericana aplicacións das películas Origen (Inception) e El Caballero Oscuro (The Dark Knight), que poden descargarse de balde para o iPhone, o iPod Touch ou o iPad e que ofrecen os primeiros 5 minutos das películas e contido adicional (coma as súas versións en formato físico) de xeito que tras o pagamento de 11,99 e 9,99 dólares respectivamente poden bloquearse as películas completas. No momento de escribir estas liñas, The Dark Knight: App Edition xa está dispoñible en España, podendo adquirirse dende tal aplicación a película de Batman completa por 7,99 euros.
Estes produtos van máis aló da simple compra das películas a través de iTunes, pois achegan contidos adicionais e a integración con servizos coma Twitter e Facebook. Entre os extras destas aplicacións tamén figuran galerías de imaxes con carteis das películas, fotografías de produción e bosquexos, sintonías e tons (que poden exportarse coma tons para o móbil), xogos de preguntas con cuestións relativas a secuencias das películas, múltiples idiomas e a posibilidade de gozar das pezas a través de streaming (cando teñamos acceso á Rede) ou a través de descarga (para poder gozar das mesmas cando non teñamos conexión a Internet).

As posibilidades da aplicación de The Dark Knight poden verse neste vídeo publicado por Warner