Worten farase con 8 das 34 tendas de PC City

O peche das tendas españolas de PC City pillou por sorpresa incluso aos seus traballadores, que viñan de inaugurar tenda en Marineda City (A Coruña), pero existía a esperanza de que parte dos locais e traballadores puidesen recolocarse, e agora o grupo portugués Sonae (propietario das cadeas Worten, Sport Zone e Zippy) anunciou que pechará no prazo dun mes un acordo para facerse con 8 establecementos de PC City, polo que uns 350 dos 1.223 empregados da cadea de tendas de electrónica de consumo conservarán as súas actuais condicións e garantías laborais, aínda que por desgraza ningunha das tendas absorbidas por Worten están en Galicia.
Esta operación enmarcaríase dentro do «plan de expansión previsto para o mercado español» do grupo Sonae, o que contrasta coa fuxida doutras compañías europeas do noso territorio.