Anonymous colapsou a páxina web da Policía Nacional a pasada fin de semana

En resposta á operación policial contra 3 supostos integrantes de Anonymous, declarando membros da Brigada de Investigación Tecnolóxica que a formación hacktivista é un grupo terrorista, convocaron este sábado un ataque de denegación de servizo contra a páxina web da Policía Nacional, conseguindo tirar tal espazo web durante varias horas e deixando en evidencia que as detencións efectuadas pola Policía non tiveran ningún efecto contra un colectivo que carece de cúpulas e no que pode participar calquera simplemente empregando o seu equipo informático para contribuír a colapsar servizos en liña empregando aplicacións que poden atoparse na web e que se limitan a establecer múltiples conexións a un obxectivo marcado.
Esta Operación Policía ía acompañada por un comunicado no que aseguraban que o «principio inherente do movemento Anonymous é loitar polos dereitos humanos, a liberdade de expresión e a transparencia. Nas rúas, a nosa loita toma forma de manifestación pacífica. Nas redes, facemos o propio» ao que engaden que «a policía non ten outro deber que o de protexer ao pobo, e o pobo non pode protexerse de si mesmo».