A biografía oficial de Steve Jobs sae á venda en múltiples soportes

Hoxe chegou ás librarías a edición en inglés da biografía de Steve Jobs elaborada por Walter Isaacson, que adiara o seu lanzamento tras o pasamento do co fundador de Apple, e que fai un repaso da vida desta relevante figura que transcendeu o sector tecnolóxico para afectar de xeito significativo a múltiples industrias do lecer. En formato físico teríamos un libro de 656 páxinas que nuns días terá unha edición en español, pero que tamén conta con versións descargables na plataforma Kindle de Amazon e, como non podía ser doutro xeito, na iBookstore para iPhone, iPad e iPod Touch (que a 12,99 euros sería a edición máis barata).

Para a elaboración desta biografía oficial Isaacson entrevistouse con Jobs unhas 40 veces nos últimos 7 anos, información completada por outras entrevistas con máis de 100 persoas, de aí que esteamos ante unha obra sólida que confirma moitos detalles do carácter de Steve Jobs á vez que descubre detalles máis polémicos da súa vida, como o feito de que rexeitou operar o seu cancro pancreático nun momento no que podería ter remitido (pensando que podería superalo ignorándoo e recorrendo a numerosos remedios naturais) ou o feito de que declarara a guerra ao sistema operativo Android por considerar que era un roubo das ideas seu iPhone.
Moitos destes detalles adiantounos Walter Isaacson nunha entrevista concedida ao programa 60 Minutos da CBS:

Segunda parte do programa: