Desvelan algunhas das páxinas web denunciadas pola Lei Sinde-Wert

A Sección Segunda da Comisión de Propiedade Intelectual, responsable de executar a Lei Sinde-Wert e que botou a andar o pasado día 1, parece que vai pasar rapidamente a súa proba de fogo, pois xa se coñecen varias das primeiras páxinas web denunciadas (aparte das que enumerou o músico Eme Navarro), que sería espazos populares como SeriesPepito, EliteTorrent, PorDescargaDirecta, Foroxd e Gratisjuegos. Os denunciantes serían entidades como EGEDA e Promusicae, mentres que a SGAE aínda non ten previsto recorrer á Comisión.
Resulta rechamante ver como aparece denunciada SeriesPepito, un dos clons de SeriesYonis, mentres que a páxina matriz líbrase da Comisión, ao parecer, por ter un proceso xudicial pendente. Nas últimas semanas SeriesYonkis está a replicar os seus contidos en distintas páxinas web como SeriesCoco e SeriesKiwi, no que parece un xeito de eludir a Lei Sinde-Wert e pór a proba a polémica Comisión de Propiedade Intelectual.
Tamén resulta rechamante que presentasen denuncia contra EliteTorrent, pois a páxina xa fora denunciada por outras vías e incluso protagonizou un polémico incidente por mor do rexistro de domicilios sen orde xudicial.