A Fundación CEL presenta cursos TIC e de xestión para persoas desempregadas

A Fundación CEL de Lugo vén de presentar unha serie de actividades formativas orientadas a fortalecer o coñecemento profesional das persoas empregadas da cidade galega e a súa contorna. Entre a longa serie de cursos inclúese unha actividade directamente encamiñada a familiarizarnos e introducirnos nun eido profesional en progresión: a creación de ferramentas TIC. O curso Programador de Aplicacións Informáticas compleméntanse con outros centrados na xestión de recursos humanos, na promoción turística e de información ao visitante ou na xestión e comunicación coas empresas e clientes.
As actividades darán comezo a semana vindeira, facéndose especial fincapé nas persoas desempregadas. Cóntase para isto con financiamento do Fondo Social Europeo e da Dirección Xeral de Formación.
Os cursos impartiranse entre maio e decembro e terán unha duración de entre 968 e 438 horas. A maior parte deles facilita obtención dun certificado de profesionalidade. Para acceder a estes cursos é requirimento que esteamos inscritos no Servizo Público de Emprego de Galicia.