Xa ten gañador o certame tecnolóxico lanzado por Emerald dende a Biblioteca do Campus de Vigo

A Universidade de Vigo comunicou a resolución do sorteo impulsado pola editorial Emerald dende a Biblioteca do Campus. Máis polo miúdo, tratábase dun iPad. No certame participaron 25 persoas, resultando gañador o docente Miguel González. O dispositivo obtido, será, tal como el mesmo sinala, “unha indispensable ferramenta de traballo que me permitirá estar conectado cos investigadores e alumnos alá onde vaia”. O certame, aberto a todos os membros da comunidade universitaria, consistiu en responder, de forma correcta, cinco cuestións en inglés sobre as revistas electrónicas de Emerald, uns 160 títulos referidos a Economía e Empresa, Ciencias Sociais e Enxeñaría.
O acerto de todas as cuestións aseguraba o pase cara á seguinte fase do concurso, na que entrou en xogo o puro azar. Segundo engadiu o gañador do certame, o feito de que existan actividades como a lanzada pola editorial “é algo moi necesario, xa que ten que existir conexión entre a ciencia e a súa aplicación práctica local e, ademáis, dispositivos como o iPad permiten achegarnos á docencia 2.0”.