Twitter estrea versión en éuscaro

Tras abrir o centro de traducións de Twitter a 6 novas linguas, que permitiron que en xullo esta plataforma estrease versión en ucraíno e catalán, agora informan da posta en funcionamento das versións en grego, checo e éuscaro, de xeito que a única lingua que quedaría marxinada de Twitter en España sería o galego, o que agardemos que se corrixa en poucos meses, e para o que xa hai unha campaña en curso que incluso conta coa adhesión da Xunta de Galicia.
A recollida de sinaturas principiada por Ian Vázquez superou xa os 2.000 partidarios, pretendendo chegar pronto aos 2.500, aínda que inciden no feito de que para solicitar a tradución de Twitter ao catalán o número de sinaturas entregadas superou as 7.300, polo que de conseguirmos algo semellante dende Galicia podería acelerarse considerablemente a apertura do centro de traducións de Twitter á nosa lingua.