Windows 7 consegue superar en uso (en equipos conectados á Rede) a Windows XP

Se atendemos a datos de Net Applications relativos ao pasado mes de agosto temos que Windows 7 co 42,76% dos equipos conectados á rede superaría finalmente ao Windows XP co 42,5%, de xeito que tras 3 anos e a portas do lanzamento de Windows 8 teriamos que Windows 7 sería o sistema operativo máis empregado do mundo, converténdose tamén no de máis rápida adopción.
En contraste, Windows Vista leva moitos meses caendo en uso a un ritmo moi reducido ata chegar ao 6,15%, quedando incluso por debaixo da suma do uso das distintas versións de OS X (que chegarían ao 7,11%). Sumando as distintas versións de Windows teriamos unha cota de uso do 92%.
Estes datos tamén confirman que Linux continúa a resultar irrelevante como sistema operativo de escritorio, cun 1,05% dos equipos que navegan pola web.