30 desenvolvedores competiron nunha hackaton en Compostela o pasado sábado

O pasado sábado celebrouse nas aulas Fonseca e Mazarelos do Centro Social Novacaixagalicia en Santiago de Compostela a primeira BlackBerry Jam Session organizada en Galicia, evento que viña a ser unha especie de maratón de programación que durante 12 horas (10 efectivas) pretendía que os 30 participantes aprendesen e practicasen creando aplicacións co apoio de especialistas, sendo a plataforma para a que desenvolver a futura BlackBerry 10, para o que podían elixir entre diferentes tecnoloxías (HTML5, JavaScript, Cascades, QT…).

O proxecto gañador desta competición foi CarPool, que representa a idea de compartir transporte (con xestións de usuarios, creacións de traxectos, visualizacións de mapas e reserva de prazas para facer unha ruta), para o que desenvolveron un front-end web en Rails e unha aplicación móbil en HTML5, jQueryMobile e BB Webworks, traballo que compartiron Adrián Moreno Peña, Gonzalo Mateo Sixto (ambos de Zadia Software, compañía detrás de produtos como a aplicación móbil PloSpot), Carolina Barreiro, Rubén Illodo Brea e Pablo Formoso.