Arredor de 300 profesionais participarán este venres na Noite Galega das Telecomunicacións

Como vimos lembrando dende hai días, este venres 26 celébrase na nosa terra unha cita obrigada para os profesionais galegos que traballan dándolle corpo á comunicación do futuro. Falamos da Noite Galega das Telecomunicacións e da Sociedade da Información, que vai pola súa edición XVII e que este ano xirará arredor dun fenómeno que afecta ao presente pero, sobre todo, ao noso xeito de vivir, informarnos e comunicarnos nos anos vindeiros: as cidades intelixentes. O evento, que dá comezo ás 20.00 horas no Gran Hotel da Toxa (O Grove) coa recepción de convidados, celébrase baixo o epígrafe Smart Cities, a tecnoloxía ao servizo dos cidadáns. A cita vén da man do Colexio Oficial e a Asociación de Enxeñeiros de Telecomunicación de Galicia (COETG-AETG) e contará, entre outros persoeiros, coa presenza do presidente en funcións da Xunta, Alberto Núñez Feijóo.
Asemade, intervirá na apertura de actividades a directora en funcións da Axencia para a Modernización Tecnolóxica de Galicia (AMTEGA), Mar Pereira. A previsión é a de reunir no Gran Hotel da Toxa a máis de 300 profesionais do sector das telecomunicacións e das novas tecnoloxías da información (enxeñeiros, asociacións sectoriais, empresas, institucións públicas e privadas, etc.).
O acto descorrerá segundo o seguinte
PROGRAMA
20:00 h. Recepción de convidados
20:15 h. Recepción de autoridades no Gran Hotel A Toxa
20:30 h. Set de prensa- photo call (vestíbulo do hotel), comparecencia ante os medios de comunicación, fotografías cos premiados e breve declaración.
Orde de intervencións:
– Palabras de benvida por parte do decano do COETG
– Intervención do presidente en funcións da Xunta de Galicia, Alberto Núñez Feijóo.
21.00 h. Comezo da Noite Galega das Telecomunicacións e da Sociedade da Información 2012
21:05 h. Acto de presentación das Smart Cities, a tecnoloxía ao servizo dos cidadáns.
21:10 h. Entrega dos Premios Galicia das Telecomunicacións e da Sociedade da Información 2012
– Premio Enxeñeiro Gerardo García Campos á Mellor Iniciativa Empresarial no sector TIC 2012
– Premio Gradiant á Mellor Tese Doutoral Aplicada ao Sector TIC 2012
– Premio INEO ao Produto ou Servizo TIC máis innovador de 2012
– Premio ao Mellor Proxecto TIC con Beneficios Sociais outorgado pola AETG e impulsado pola AMTEGA
– Enxeñeiro do Ano
21.35 h. Cea de gala