A rede social galega do libro, Redelibros, está estes días de celebración. Máis polo miúdo, os seus impulsores, membros e usuarios atópanse festexando os dous anos da comunidade galega, cousa que ten especial mérito se temos en conta o enleado e complexo que resulta manter iniciativas 2.0 no tempo, de xeito paralelo ás grandes redes sociais de usuarios internacionais e, amais de todo isto, acerca dunha cuestión que non adoita a convocar multitudes: a literatura. Para celebrar este dous anos de vida, e máis que virán, celébrase unha festa este día 9 de novembro, venres, na Libraría Cartabón de Vigo. A cita é a partir das 20.30 horas.
Lembrar que, a maiores, a rede vén de presentar o seu catálogo de obras para esta tempada de outono, unha escolma dispoñible para ver en liña ou para descargar (PDF) e que pon de manifesto a boa marcha da comunidade, que arestora conta xa con dous anos de experiencia e dando acubillo a novas experiencias como a aplicación da técnica do crowdfounding para a publicación de novas obras ou a convocatoria de premios a relatos.
A comunidade Redelibros celebra este venres os seus dous anos de actividade
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
