INEO celebra este martes o seu foro sobre competencia desleal no sector TIC

Este martes 11 de decembro, Vigo acolle unha nova edición dos foros da asociación INEO, que, baixo o título A competencia e concorrencia desleal no sector TIC, encamíñase a visualizar un dos principais fenómenos que está a xerar a crise e máis o desemprego no eido tecnolóxico-dixital: a maior presenza de actividades empresariais que supoñen pór servizos e recursos por debaixo do seu custe de produción, nunha busca máis indiscriminada de clientes. En definitiva, do que se trata é de facer fincapé no medre de prácticas como a copia ilegal, a publicidade agresiva e/ou enganosa ou a apropiación de actividades empresariais para os que non se conta co mínimo coñecemento. O foro dará comezo esta tarde a a partir de las 17:00 horas, en el Salón Galicia de la sede en Vigo de la Confederación de Empresarios de Pontevedra (CEP). Contarase con profesionais da firma Garrigues para dar conta das consecuencias do devandito fenómeno.
“As condicións de dificultade actuais”, engaden fontes da asociación galega, “levan a que, en ocasións, sexan persoas que están ou estiveron ligadas á propia empresa as que incorren neste tipo de prácticas, beneficiándose de modo ilícito de información sobre produtos, procesos, clientes e estratexias”. O foro oro pretende clarificar o escenario actual, pondo especial énfase neste último fenómeno, coñecido como “concorrencia desleal”. Trátase de facilitar a identificación das normas e instrumentos que as empresas teñen á súa disposición para a protección da súa actividade e produtos.
A asistencia é aberta, gratuíta para os socios de INEO e clientes de Garrigues e con custo para os non socios de 40 euros+IVE. A inscrición debe formalizarse chamando ao teléfono 986 112 570 ou enviando un correo electrónico a administracion@ineo.org indicando nome da persoa que agarraches, así como os seus datos de contacto e a empresa á que pertence.
A apertura do foro correrá a cargo de Lucía Gregorio, directora xeral de INEO. Francisco Veiga Calvo, socio de Garrigues, Sandra Igrexas Babia, asociada de Garrigues, e Borja Ríos González, asociado de Garrigues, serán os encargados de expor o relatorio sobre O intrusismo nas empresas TIC.