O IGAPE contribúe á mellora da competitividade de Itelsis

Como impulso ao desenvolvemento tecnolóxico e aos procesos de internacionalización das empresas galegas a Consellería de Industria vén de apoiar os novos investimentos da empresas tecnolóxica galega Itelsis cunha partida de 90.000 euros para a mellora da súa competitividade nos procesos de deseño e fabricación de produtos no eido das telecomunicacións achegada a través do IGAPE. Deste xeito contribúese á busca de solucións TIC para empresas doutros sectores emerxentes, onde a tecnoloxía é básica e imprescindible para o seu crecemento.
O director do IGAPE, Javier Aguilera, visitou nos últimos días as instalacións de Itelsis, onde lembrou que dende a súa entidade tamén achegan recursos para consolidar a procura de novos mercados para expandir e empresas galegas e permitirlles medrar. A compostelá Itelsis emprega a máis de 40 persoas, consolidándose como un grupo empresarial galego en pleno proceso de innovación, espallamento e diversificación, que destinará as mencionadas axudas do IGAPE ao deseño, fabricación e instalación de equipos de transmisión e recepción de televisión.