Unha clienta viguesa do Media Markt, gañadora da Operación Cliente de Ouro

Xa hai gañadora do certame Operación Cliente de Ouro convocado por Media Markt. E dáse a circunstancia de que a gañadora é galega. Trátase da viguesa Ángeles Díaz, que en virtude de ter sido elixida pola compañía xermana como clienta de ouro, disporá dunha oportunidade a medida deste título: poderá levar todo o que poida da superficie comercial que Media Markt ten en Rivas (Madrid), a máis grande das que achega en España, tendo para isto dous minutos de marxe. A cita será este 9 de maio, ás 21.45. A tentativa, informa a compañía, será retransmitida en directo por El Hormiguero, en Antena 3.
A campaña Operación Cliente de Ouro, que logrou máis de 51.000 rexistros para aspirar a gañar este premio, culmina deste xeito a súa segunda edición, sendo a previsión da compañía que a gañadora poida levar produtos por valor de entre 20.000 e 30.000 euros. Nesta edición cómpre salientar que os clientes en liña de mediamarkt.es foron os que máis tickets rexistraron para poder ser candidatos.