O Clúster TIC Galicia celebra este xoves a súa asemblea xeral ordinaria

O Clúster TIC Galicia celebrará este xoves a súa asemblea xeral ordinaria correspondente ao exercicio 2013. Os socios están citados en primeira convocatoria ás 17 horas e ás 17:30 horas, en segunda. O lugar de celebración da xuntanza será o edificio da Fundación Empresa Universidade Galega (FEUGA), situado na rúa Lope Gómez de Marzoa, no Campus Vida de Santiago de Compostela. Na xuntanza someteranse a aprobación os informes de xestión e económico do ano 2012 e máis o orzamento e a proposta de actividades para o ano en curso.
Asemade, poranse á consideración dos socios “importantes asuntos”, informa a asociación empresarial, como por exemplo o acordo para a integración da asociación EGANET e unha proposta sobre a participación do clúster na Estratexia de Especialización Intelixente para Galicia (RIS3). Tamén será debatido e sometido á votación dos socios o proxecto de novos Estatutos do Clúster TIC Galicia.