Nokia farase coa totalidade de Nokia Siemens Networks

Nokia pechou un acordo con Siemens para a adquisición da parte desta última compañía de Nokia Siemens Networks, alianza entre ambas compañías que subministra produto e servizos para redes móbil, que pasará ao control único de Nokia de non atopar oposición dos organismos reguladores da competencia, e para o que Nokia pagará durante o terceiro trimestre do ano 1.700 millóns de euros (1.200 millóns pagaranse en efectivo).
Deste xeito Nokia Siemens Networks pasará a ser unha filial de Nokia e deixará de utilizar a palabra Siemens no seu nome de xeito paulatino. Esta operación realizaríase para reforzar o valor do grupo Nokia, pois a división que están a absorber é actualmente líder en tecnoloxía LTE, polo que ten un grande potencial para os vindeiros anos, o que esperan que resulte moi beneficioso financeiramente.
Dende Siemens, en cambio, entenden o abandono do sector móbil como unha aposta polas súas liñas de negocio máis fortes, que actualmente son a xestión de enerxía, a industria, as infraestruturas e a saúde.