Facebook merca Branch por 15 millóns de dólares

Josh Miller, un dos co fundadores de Branch (servizo para compartir ligazóns), anunciou que a súa compañía vén de ser absorbida por Facebook (o que pode resultar rechamante se temos en conta que entre os promotores do proxecto está Biz Stone e Ev Williams, co fundadores de Twitter) de xeito que aproveitaría a experiencia do equipo de Branch (que estreou hai poucos meses outra plataforma social, Potluck e continuará a traballar dende New York) para mellorar a conexión entre os usuarios de Facebook e os seus intereses.
A operación de compra tería un valor duns 15 millóns de dólares, e fronte a outras adquisicións anteriores, desta volta dá a impresión de que Facebook non quere facerse cos produtos de Branch, senón co talento do equipo que está detrás do proxecto.