As apps nos sectores cultural e empresarial a debate na Coruña

O vindeiro venres 28 de febreiro ás 16:30 horas na aula 2.0b da Facultade de Informática da Coruña vai desenvolverse unha mesa redonda sobre Aplicacións Móbiles nos Sectores Cultural e Empresarial, organizada polos responsables da materia Arquitecturas e Plataformas Móbiles do Mestrado Universitario en Enxeñaría Informática (MUEI).
Colaboran con este proxecto Enrique Marcote Peña e Miguel Rodríguez Rubinos de Nomasystems e Chiu Longina e Berio Molina Quiroga de Pumpún Dixital, compañías galegas especializadas no desenvolvemento de aplicacións móbiles.