Alibaba inviste 215 millóns de dólares en Tango

Nos últimos meses estamos a ver como as plataformas de mensaxería instantánea están a protagonizar grandes operacións financeiras, con Rakuten pagando 900 millóns de dólares por Viber e Facebook pagando ata 19.000 millóns de dólares por WhatsApp, e agora é Tango, sistema para intercambiar en liña texto, voz de chamadas de vídeo, o que capta cantidades económicas moi importantes, xa que conseguiu pechar unha ronda de financiamento de 280 millóns de dólares achegados principalmente por Alibaba, o xigante chinés de comercio electrónico, que pasa así a formar parte de dirección da compañía.

Tango é un servizo nacido en setembro de 2009 para conectar a persoas coas súas familias, que conseguiu superar o primeiro millón de usuarios nos seus primeiros 10 días e que actualmente conta con máis de 200 millóns de usuarios rexistrados. Amais, esta plataforma tamén está a evolucionar, incorporando novas características sociais como compartir actualizacións e fotografías, atopar novos amigos, compartir música de Spotify e albergar máis de 30 xogos.
Aparte de no ordenador, este servizo tamén conta con aplicacións móbiles para iOS, Android e BlackBerry, facilitando un xeito cómodo e divertido de comunicación persoal.