Uniemprende entregará cinco premios de 600 euros no seu concurso de ideas innovadoras

Uniemprende, a iniciativa da Universidade de Santiago para impulsar a creación de achegas novidosas de mercado, vén de convocar un ano máis o seu Concurso de Ideas Empresariais Innovadoras, edición número catorce. O certame, dirixido a toda a comunidade universitaria e a todas as áreas de coñecemento de calquera dos nosos sete campus (humanidades, ciencias da saúde, ciencias xurídicas, sociais, experimentais ou tecnolóxicas) ten por finalidade “recoñecer aquelas persoas que presenten ideas innovadoras susceptibles de converterse en proxectos empresariais”.
O prazo para presentarmos achegas remata o 14 de novembro. Nesta nova edición do certame entregaranse cinco premios de 600 euros cada un. E todo con independencia do número de participantes que concorran na convocatoria. Por certo que o xurado estará composto por representantes da USC e de entidades colaboradoras.