Vodafone renova prezos con roaming, máis datos e chamadas sen límite de fixo a móbil

Vodafone España segue adiante co lanzamento continuo de incentivos, promocións para os seus clientes reais e potenciais. Se hai uns días falabamos dunha oferta na que a operadora duplicaba os GB das súas tarifas de prepago, hoxe é a quenda dunha nova campaña para renovarnos os plans de prezos de prezos. En termos concretos, a compañía moveu ficha para aumentar o valor da vertente móbil (máis datos, itinerancia incluída e TV no móbil) como do ámbito da banda larga e as liñas fixas (chamadas ilimitadas dende o fixo a móbiles). A maiores, a iniciativa presentada esta semana permitirá aos clientes gozar de chamadas de balde entre os membros da familia.
Segundo informa Vodafone, este novos plans de prezos “incorporan os servizos máis demandados polos clientes particulares e autónomos ou pequenas empresas”.
En detalle, na vertente móbil (todos clientes de contrato de tarifas móbiles, segundas liñas e Vodafone One) achégase servizo de itinerancia (roaming) en todos os plans de contrato, abranguendo os países da Unión Europea, Estados Unidos, Islandia, Liechtenstein, Noruega, Suíza, Albania e Turquía. A operadora, por certo, lembra que este servizo xa estaba dispoñible para os plans de prezos Vodafone Rede pero a novidade agora é que se estende ás tarifas Smart e Mini e Vodafone OneS. Respecto dos datos, auméntanse (entre 500 MB e 1GB). A TV de Vodafone, ademais, intégrase no móbil. Con este último servizo, a firma de telecomunicacións quere dar resposta a esa porcentaxe do 73% dos consumidores que ven xa a TV en dispositivos distintos ao televisor.
Polo que atinxe a banda larga fixa (clientes con fibra ao ADSL) fornécense chamadas sen límite de fixo a móbiles (Vodafone sinala neste punto será a primeira das grandes operadoras en integrar esta oferta en todas as súas achegas de fogar). En servizos converxentes, ofrécense todos os beneficios anteriores e chamadas de balde entre os membros da familia, “con independencia da tarifa e teléfono que se empregue, xa que se permiten chamadas entre todas as liñas, tanto móbiles como desde o fixo”. Estas vantaxes tamén son válidas para empregados na mesma conta corporativa.