Trump cede o control da súa conta de Twitter ao seu equipo de campaña

A campaña electoral norteamericana está a levar a un típico debate sobre se son os propios candidatos os que teñen que comunicar persoalmente nas redes sociais ou se ten que ser o seu equipo de campaña o que xestione a comunicación en liña, o que normalmente atende a un simple problema de dispoñibilidade horaria (para, por exemplo, poder seguir a relacionarse cos electores durante viaxes e entrevistas) e para garantir certa coherencia nas mensaxes, pero no caso do polémico Donald J. Trump a cousa parece ir máis aló, e agora comentan que o seu equipo tería tomado control da súa conta de Twitter sen dar unha explicación oficial, aínda que hai unanimidade en pensar que simplemente queren evitar que o candidato meta a zoca na recta final de campaña como fixo no pasado ao publicar mensaxes insultantes e declaracións imprecisas que déronlle bastantes problemas a posteriori.
Ao parecer, agora Trump suxire ao seu equipo o que quere publicar e son eles os que editan as mensaxes antes da súa publicación en liña, o que probablemente decepcione aos seareiros máis fieis do candidato republicano, que vían na súa espontaneidade na Rede como un xeito de conectar mellor con el.
O debate está servido, aínda que o punto de vista do equipo de campaña é moi claro: non queren arriscarse a ter problemas de comunicación a poucas horas dos comicios, xa que ante declaracións polémicas non terían tempo de difundir unha resposta axeitada que puidese neutralizar os danos na imaxe do candidato que puidese infrinxir el mesmo.