Google Play Kiosco renóvase e estrea versión web

Para facilitar a lectura de contidos sindicados na web, dende Google tiñan unha aplicación móbil chamada Currents, que hai tres anos integrouse en Google Play Kiosco, e agora vén de renovarse de xeito importante mudando a súa aparencia de xeito notable, contando con tres grandes novidades: unha maior personalización, contidos multimedia enriquecidos e cunha versión web.
A nova versión de Google Play Kiosco conta así cun lector de novas e revistas totalmente personalizado para o usuario, contando cun sistema de aprendizaxe automática que busca a recomenda as novas máis oportunas e relevantes en funcións dos intereses do usuario. Cando entramos na aplicación atoparemos unha mestura de novas que non debemos perder, grandes titulares, novas locais e intereses persoais, ou sexa, un xornal personalizado, que resulta ideal para poder aproveitar un par de minutos que esteamos diante do smartphone para poder estar ao día sobre o que pode resultar de interese para nós.
A aplicación tamén benefíciase de melloras no soporte de contidos multimedia grazas á adopción da tecnoloxía AMP por numerosos medios, de xeito que ao navegar entre as novas podemos ver agora os vídeos en reprodución automática, contar con sinxelos controis de podcast e poder ver imaxes en alta resolución que aproveitan ao máximo o espazo en pantalla. O soporte de AMP tamén supón un aforro no largo de banda que produce a aplicación.
Finalmente, cando esteamos nun equipo que non teña instalada a aplicación de Google Play Kiosco, podemos recorrer á súa versión web, tanto en ordenadores como en dispositivos móbiles, para ter así unha maior dispoñibilidade desta ferramenta, que en calquera plataforma contaría coa totalidade de funcionalidades.