Os CAPTCHA (Completely Automated Public Turing test to tell Computers and Humans Appart) con eses textos retorcidos que se atopan en moitos formularios para poder distinguir a humanos de máquinas e loitar así contra certas tácticas publicitarias fraudulentas e incluso certos ataques informáticos, que pese ás súas boas intencións converteuse en todo un fastío para os usuarios para o que poderiamos dicir adeus en breve, xa que un dos proxectos que achegan esta tecnoloxía á meirande parte de páxinas web, reCAPTCHA (adquirido por Google en 2009), está a introducir o reCAPTCHA invisible.
Dende que Google adquiriu reCAPTCHA foi mudando o funcionamento desta tecnoloxía, de xeito que inicialmente amosaba dúas palabras procedentes de escaneos de libros, axudando as respostas humanas a mellorar o sistema de recoñecemento de texto de Google Books, o que máis adiante trasladaron tamén a números de fachadas de edificios captados para Google Street View.
Agora, coa nova versión de reCAPTCHA só será visible cando o sistema sospeite que non é unha persoa a que está diante do navegador web, para o que analizan distintos datos de navegación ou incluso o movemento do rato pola pantalla, datos sobre os que non dan detalles, en boa medida para non facilitar o desenvolvemento que salten esta medida de seguridade.
Os molestos CAPTCHA comezan a ser invisibles
Compartir Este Artigo
- O VI Encontro CIBER.gal, que se celebrará do 4 ao 6 de novembro na Cidade da Cultura, abriu o prazo de inscrición
- A Xunta destaca o papel das telecomunicacións como ferramenta para garantir a seguridade das persoas e do territorio
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
