Twitter estrea pequenos cambios na súa aplicación móbil

Hoxe hai 11 anos da publicación da mensaxe «just setting up my twttr» por parte de Jack Dorsey, o que consideran como o nacemento de Twitter, aínda que realmente o servizo non veu a luz ata o 15 de xullo de 2006. Son os propios responsables de Twitter os que definen o día de hoxe como o do seu aniversario (como demostran os globos de cores que adornan a súa conta oficial en Twitter) e aínda que non realizan ningunha celebración especial, estes días si están a realizar algúns cambios, cando menos na súa aplicación móbil para iOS e Android, que está a comezar a recibir unha pequena renovación da súa interface, para achegarse máis á súa versión web.
Cando agora imos dende a aplicación móbil de Twitter a unha conta en concreto, atopamos que tras a súa descrición aparecen tres pestanas (Chíos, Multimedia e Gústames) ás que, para algúns usuarios (xa que a funcionalidade aínda está a aplicarse globalmente) aparece xa unha cuarta en segundo lugar (Chíos e Respostas), co que búscase facilitar a exploración dos contidos publicados por un usuario, distinguindo así as cousas que publica motu propio das que forman parte dunha conversa con outros usuarios.