Donald J. Trump chía agora dende un iPhone

O uso de smartphones por parte da presidencia dos EE.UU. foi un motivo de interese coa chegada de Barack H. Obama, xa que era un usuario intensivo de BlackBerry, quen o ano pasado recoñeceu que, o que nun principio parecía un signo de modernidade, acabou converténdose en toda unha rareza, de xeito que durante moitos meses era practicamente a única persoa no seu contorno que aínda empregaba dispositivos da marca canadense, e finalmente cambiou de teléfono por outro que, por motivos de seguridade, ten restrinxidas case todas as súas funcións, o que contrasta co que está a acontecer co seu sucesor, Donald J. Trump, que case chegou a converter en cuestión de estado o seu desprezo polas esixencias de seguridade do seu cargo, xa que continuou a facer uso dun vello Samsung Galaxy S3, dispositivo completamente inseguro.
En vista de que este feito era publicamente constatable, finalmente tomaron medidas, e o director de redes sociais e asesor de Trump, Dan Scavino Jr., confirmou que o presidente dos EE.UU. emprega agora un iPhone novo, dicindo así adeus a unha polémica, aínda que dun xeito bastante rechamante, xa que hai pouco máis dun ano o propio Trump promoveu un boicot aos produtos de Apple por mor da falta de colaboración de Apple no desbloqueo do iPhone dun terrorista.